E shqetësuar për degradimin e burimeve natyrore të vendit dhe për të çuar më tej përvojën e mirë të Projektit Shqiptar të Pyjeve, Qeveria Shqiptare i ka kërkuar Bankës Botërore të vazhdojë mbështetjen për zgjerimin e menaxhimit mbi baza komuniteti të burimeve natyrore të vendit. Kjo çoi në identifikimin e konceptit të Projektit për Zhvillimin e Burimeve Natyrore (PZHBN).

Qeveria Shqiptare i ka kerkuar Bankes Boterore asistence per te pergatitur projektin e dyte te menaxhimit te burimeve natyrore, per te adresuar degradimin e burimeve natyrore te vendit. Ai ka marre parasysh rolin e rendesishem qe komunitetet luajne ne ballafaqimin me kete problem. Projekti i ri parashikohet te perfshije rreth 240 komuna dhe 30 mikrobazene ujembledhese ne luginat e Drinit, Matit e Shkumbinit, qe koincidojne me kufinjte e 30 komunave. Projekti synon te rrise te ardhurat dhe aktivitetet prodhuese, te nxise praktikat e menaxhimit te qendrueshem te burimeve natyrore ne ujembledhesat, si dhe mbrojtjen rajonale dhe globale te biodiversitetit

• Vazhdimi i mbështetjes së 130 Shoqatave të Përdoruesve të Pyjeve dhe Kullotave Komunale për fuqizimin e kapaciteteve të tyre;
• Mbështetje në përgatitjen e planeve të qëndrueshme të mbarështimit në kontekstin e vazhdimit të transferimit të të drejtës së përdorimit në rreth 80 komuna të tjera të zonave të larta të prekura nga fenomeni i erozionit;
• Zbatimi në formë pilot i konceptit shumësektorial për menaxhimin e burimeve natyrore, duke i trajtuar çështjet e degradimit të tyre në nivelin e mikrobazeneve;
• Zbatimi i konceptit të pjesëmarrjes për të mbështetur komunat për-rreth mikrobazeneve si dhe të gjithë të interesuarit e tjerë në to, për të identifikuar dhe renditur menaxhimin e burimeve prioritare si dhe nevojat për zhvillim;
• Mbështetje për hartimin dhe adoptimin e Planeve të Menaxhimit në nivel fshati,brënda një komune,dhe angazhimin nga ana e komuniteteve për të kontribuar në koston e zbatimit të këtyre planeve;

• Banorët e zonave që përfshihen në projekt nëpërmjet angazhimit të tyre në menaxhimin e qëndrueshëm të mikrobazeneve dhe pyjeve komunalë dhe rritjes së të ardhurave nga zhvillimi i veprimtarive alternative (bujqësi, etj.);
• Qeveria shqipëtare cila arrin objektivat e saj strategjikë në lidhje me zhvillimin e burimeve natyrore;
• Shoqatat e Përdoruesve të Pyjeve dhe Kullotave Komunale si dhe të gjithë aktorët e tjerë që do të angazhohen në këtë projekt.
• Brezat e ardhshëm, të cilët do të gëzojnë dhe zhvillojnë normalisht mirëqënien e pasurive natyrore të Shqipërisë;